莘莘學子問政府借錢，原來有益經濟發展
借錢 | david | 七月 26, 2016,16:40
盈盈讀大學嗰陣，全靠學生貸款度日，先可以交到學費之餘，仲可以買吓參考書增廣見聞。雖然有啲人覺得莘莘學子借貸攞錢去炒股好唔合理，但原來花旗國白宮就話你知，借錢畀學生對經濟嚟講係好事！
白宮最新做咗一份７７頁長嘅研究報告話，借貸借錢畀學生，可以提高學生競爭力，促進長遠ＧＤＰ增長。報告講到明，２０１４年時，有大學學位嘅人人工比高中畢業嘅人高七成！所以份報告話借錢畀學生讀書，好過借錢畀人消費，因為前者係一種對人力資源嘅投資。
不過，報告同時講咗學生借貸款嘅影響，包括年輕人會因為揹住貸款而延遲置業，刺激唔到經濟之餘，學生貸款仲可能限小型商家嘅發展。不過研究話學生借貸款帶嚟嘅好處，遠遠大於成本，所以對經濟係有利居多。
香江政府致力改善教育制度之餘，唔知借錢有無餘力再優化學生貸款政策呢？
下一篇 | 上一篇 | 引用 (0)